საქართველოს ეროვნული გუნდის ახალმა კაპიტანმა, ხვიჩა კვარაცხელიამ, ისრაელთან ამხანაგური მატჩის წინ, პრესკონფერენციაში მიიღო მონაწილეობა.
"ჩვენ ერთა ლიგის მატჩებისთვის ვემზადებით და უკვე ვმუშაობთ გარკვეულ სათამაშო დეტალებზე, რომელთა გამოყენებასაც შემოდგომის შეხვედრებისთვის ვაპირებთ.
ჯაბასგან და გურამისგან ვისწავლე, რომ ნებისმიერ ფეხბურთელებს სირთულეების დროს გვერდით დაუდგე. პირადად მეც მქონია რთული მომენტები, როცა ისინი ჩემ გვერდით იუვნენ როგორც მოედანზე, ისე მის მიღმა. ვეცდები, ყველაფერი გავაკეთო იმისთვის, რომ მომავალში ჩემი თანაგუნდელებისთვის საიმედო დასაყრდენი ვიყო", - განაცხადა კვარაცხელიამ.
საქართველოსა და ისრაელის ეროვნულ ნაკრებთა შეხვედრა 26 მარტს, მიხეილ მესხის სახელობის სტადიონზე, 21:00 საათიდან დაიწყება. პირდაპირი რეპორტაჟი საქართველოს პირველ არხზეა.
