VIDEO: 40 წლის შემდეგ პირველად - კომო იტალიის თასის ნახევარფინალშია

იტალიის თასის 1/4 ფინალში ნაპოლიმ სტადიო დიეგო არმანდო მარადონაზე კომო მიიღო.

შეხვედრის ძირითადი დრო 1-1 დასრულდა. 39-ე წუთზე პენალტით ანგარიში მარტინ ბატურინამ გახსნა, 46-ე წუთზე კი ანტონიო ვერგარამ წონასწორობა აღადგინა.

მატჩის გამარჯვებულის გამოსავლენად პენალტების სერია გახდა საჭირო, რომელიც კომოს გამარჯვებით 6-7 დასრულდა. ნეაპოლელთა მხრიდან თავიანთი დარტყმები რომელუ ლუკაკუმ და სტანისლავ ლობოტკამ ვერ გამოიყენეს.

კომო იტალიის თასის 1/2 ფინალში 40 წლის შემდეგ პირველად გავიდა. სესკ ფაბრეგასის გუნდი შემდეგ ეტაპზე ინტერს შეხვდება, რომელმაც თავის მხრივ ტორინოს მოუგო 2-1.

მეორე ნახევარფინალურ მატჩში კი ატალანტა, რომელმაც იუვენტუსი 3-0 გაანადგურა, ბოლონიასა და ლაციოს შორის გამარჯვებულს დაუპირისპირდება.