VIDEO: ჰოილუნდის დუბლი და ბოლო წუთზე გამარჯვების გოლი - ნაპოლიმ ჯენოას მოუგო

იტალიის სერია ა-ს 24-ე ტურში ჯენოამ საკუთარ მოედანზე ნაპოლი მიიღო.

შეხვედრაში ანგარიში სწრაფი გოლით გაიხსნა. მე-3 წუთზე მასპინძელთა მხრიდან პენალტი რუსლან მალინოვსკიმ შეასრულა ზუსტად და თავის გუნდი დააწინაურა.

მიუხედავად ამისა, სტუმრებმა პირველივე ტაიმში შეძლის თამაშის მოტრიალება. მე-20 წუთზე ანგარიში რასმუს ჰოილუნდმა გაათანაბრა, აქედან 2 წუთში კი სკოტ მაკტომინეიმ გაიყვანა წინ ნაპოლი.

57-ე წუთზე ლორენცო კოლომბომ წონასწორობა აღადგინა. 76-ე წუთზე ნეაპოლელები 10 კაცით დარჩნენ. მსაჯმა ჟუან ჟესუსს მეორე ყვითელი ბარათი უჩვენა და ბრაზილიელმა მოედანი ნაადრევად დატოვა.

მატჩი ფრედ დასრულებასთან ახლოს იყო, თუმცა კომპენსირებულ დროში ჯენოას კარში პენალტი დაინიშნა, რომელიც რასმუს ჰოილუნდმა გამოიყენა და დანიელის დუბლით ანტონიო კონტეს გუნდმა 3 ქულა მოიპოვა.

ნაპოლის ამ მოგების შემდეგ 49 ქულა დაუგროვდა და სატურნირო ცხრილში მე-3 ადგილზე იმყოფება. მეორეადგილოსან მილანთან ჩამორჩენა 1 ქულაა, რომელიც ამ ტურში პიზას ესტუმრება.