იტალიის სერია A-ს 22-ე ტურის ერთ-ერთ მთავარ მატჩში, იუვენტუსმა ნაპოლი 3:0 გაანადგურა და ზედა სამეულს 1 ქულამდე მიუახლოვდა.
ლუჩიანო სპალეტის გუნდმა პირველი ტაიმი ჯონათან დევიდის გოლით მოიგო, რასაც მეორე ნახევარში ქენან იილდიზისა და ფილიპ კოსტიჩის გოლებიც დაუმატეს.
ტურინელებს ჩემპიონატის ბოლო 8 ტურში 19 ქულა აქვთ აღებული, ნაპოლიმ კი 9-მატჩიანი წაუგებელი სერია შეწყვიტა.
22 ტურის შემდეგ, იუვენტუსს 42 ქულა აქვს, რაც მე-3 ადგილოსან ნაპოლის მონაგარზე 1 ქულით ნაკლებია.
ვეკია სინიორა მომდევნო ტურში სტუმრად პარმას შეხვდება, ნაპოლი კი სტადიო დიეგო არმანდო მარადონაზე ფლორენციის ფიორენტინას მიიღებს.
