VIDEO: აჭარაბეთ არენაზე დინამოების უხვგოლიანი დერბი შედგა
2 სთ წინ · 0 წთ წასაკითხად
-
Aa
+
ფონტის ზომა
საქართველოს ჩემპიონატის მე-10 ტურში, აჭარაბეთ არენაზე, დინამოების უხვგოლიანი დერბი შედგა.
შეხვედრაში ანგარიში ბათუმელებმა მე-2 წუთზე არტემ მილჩენკოს გოლით გახსნეს, მე-18 წუთზე კი თბილისელები კიდევ უფრო რთულ მდგომარეობაში ჩავარდნენ და ბარნს ოსეის მე-2 ყვითელი ბარათის გამო კაცნაკლული დარჩნენ.
თუმცა 22-ე წუთზე 10 კაცით მყოფმა სტუმარმა გუნდმა ალექსანდრე კალანდაძის გოლით ანგარიში გაათანაბრა, 45-ე წუთზე მასპინძლებს პენალტის დარტყმის საშუალება მიეცათ, რომელიც გოლად ნიკა კალანდარიშვილმა აქცია და ბათუმელებს ტაიმი მოაგებინა.
მეორე ტაიმის სტარტზე სწრაფი გოლის გატანა უკვე სტუმრებმა მოახერხეს. გიორგი ხარებაშვილის ფლანგიდან პასის შემდეგ როდრიგო რამოსმა წონასწორობა კვლავ აღადგინა.
მატჩის დარჩენილ დროში ანგარიში აღარ შეცვლილა და დინამოების დერბი 2-2 დასრულდა.
ჭიაბრიშვილის გუნდი 8 ქულით ცხრილის ბოლო ადგილზეა და პლეიაუტის ზონაში მყოფ გუნდებს 2 ქულით ჩამორჩება, ქეცბაიას შეგირდები კი 12 ქულით მე-6 ადგილზე არიან და პლეიაუტის გუნდებს 2 ქულით უსწრებენ, ევროზონაში მყოფ ტორპედოს კი 3 ქულით ჩამორჩებიან.
