თემურ ქეცბაიამ თორნიკე კვარაცხელია განაცხადში შეიყვანა

Geo Team-ის ინფორმაციით, თემურ ქეცბაიამ ბათუმის დინამოს წინააღმდეგ 16 წლის თორნიკე კვარაცხელია დინამოს სამატჩო განაცხადში შეიყვანა.

ხვიჩა კვარაცხელიას ძმამ დინამოს მთავარ გუნდთან ერთად პირველად რამდენიმე დღის წინ ივარჯიშა, ქეცბაიამ კი ის განაცხადში მალევე დაასახელა.

თემურ ქეცბაიამ დინამო თბილისის მთავარი მწვრთნელის პოსტზე სადებიუტო მატჩში წყალტუბოს სამგურალი 1-2 დაამარცხა და დედაქალაქური გუნდის მოუგებელი სერია დაასრულა.

დინამო ბათუმისა და დინამო თბილისის მატჩი 2 მაისს, 19:00 საათზე, აჭარაბეთ არენაზე გაიმართება.