VIDEO: გამარჯვება აჭარაბეთ არენაზე - ტორპედო ლიდერებს მიუახლოვდა

ეროვნული ლიგის მე-9 ტური და, მასთან ერთად, პირველი წრე ბათუმში, აჭარაბეთ არენაზე დასრულდა - ტორპედო ქუთაისმა დინამო ბათუმი 3:0 დაამარცხა.

ქუთაისელები დააწინაურა 21 წლის დიეგო დეისაძემ, რომელიც კარგ ფორმაში შევიდა და ბოლო 5 თამაშში 4 საგოლე მოქმედება აქვს - 2 გოლი, 2 ასისტი. ტორპედომ პოლონური ტერმალიცადან დაიმატა.

ამის შემდეგ გიორგი არაბიძემ 2 საგოლე პასი გააკეთა - ჯერ მატეი შიმიჩმა გაიტანა ეროვნულ ლიგაში სადებიუტო გოლი, საბოლოო ანგარიში კი დინამო ბათუმის ექს-კაპიტანმა, ვლადიმერ მამუჩაშვილმა დააფიქსირა.

2026 წლის ეროვნულ ლიგაში 3 ფეხბურთელია, რომლებსაც ყველაზე მეტი საგოლე მოქმედება აქვთ - მამუჩაშვილი (3 გოლი, 3 ასისტი), დილას შემტევი ლაშა მენთეშაშვილი (3 გოლი, 3 ასისტი) და არაბიძე (2 გოლი, 4 ასისტი).

ტორპედომ ზედიზედ მე-5 დაუმარცხებელი შეხვედრა ჩაატარა და ლიდერებს მიუახლოვდა, ხოლო დინამო ბათუმი ცხრილის ბოლო ადგილზე რჩება. სრული სურათი ასეთია:

1. იბერია (თბილისი) - 17 ქულა;

2. დილა (გორი) - 16 ქულა;

3. რუსთავი (რუსთავი) - 15 ქულა;

4. ტორპედო (ქუთაისი) - 14 ქულა;

5. სპაერი (თბილისი) - 11 ქულა;

6. დინამო (თბილისი) - 11 ქულა;

7. მეშახტე (ტყიბული) - 10 ქულა;

8. გაგრა (თბილისი) - 10 ქულა;

9. სამგურალი (წყალტუბო) - 8 ქულა;

10. დინამო (ბათუმი) - 7 ქულა.

ბომბარდირთა დავას, 4-4 გოლით, იბერიას ამირან ძაგანია და რუსთავის ჟანი ლიდერობენ, ხოლო ყველაზე მეტი ასისტი გიორგი არაბიძესა და გაგრას ვანდერსონს აქვთ შესრულებული - 4-4.

ეროვნული ლიგის მე-10 ტური 1-ელ მაისს იწყება და 2-ში სრულდება, მთავარი მატჩი რუსთავშია - გია ცეცაძის რუსთავი დილას მასპინძლობს, ტორპედო სპაერთან სტუმრად ითამაშებს, ხოლო აჭარაბეთ არენაზე დინამოების დაპირისპირებაა.