VIDEO: მექვაბას ასისტი - მისი გუნდი გალიდერდა და ჩემპიონობას უახლოვდება
2 სთ წინ · 0 წთ წასაკითხად
-
Aa
+
ფონტის ზომა
ანრი მექვაბიშვილის უნივერსიტატეა კრაიოვა, რუმინეთის თასის ფინალში გასვლის შემდეგ, ქვეყნის ჩემპიონატშიც ტიტულისთვის იბრძვის და ლიდერობა გაიმყარა.
კრაიოვამ, საჩემპიონო ჯგუფის მე-6 ტურში, მე-6 ადგილოსან არგეშს სტუმრად 1:0 მოუგო - მე-10 წუთზე, მექვაბას მოწოდებული კუთხურის შემდეგ, გამარჯვების გოლი პორტუგალიელმა ტელეშმა შეაგდო. ქართველმა ყვითელი ბარათი მიიღო, 67-ე წუთზე კი შეცვალეს.
25 წლის შუახაზელს ჩემპიონატის ბოლო 3 თამაშში საგოლე მოქმედება ზედიზედ აქვს - კლუჟთან გოლი გაიტანა, ხოლო რაპიდ ბუქარესტთან და არგეშთან საგოლე გადაცემა შეასრულა. მიმდინარე სუპერლიგის 30 მატჩში 2 გოლი და 7 ასისტი აქვს, ხოლო ყველა ტურნირზე ჩატარებულ 46 მატჩში 3 გოლი და 9 საგოლე პასი მიითვალა.
კარგი ამბავია, რომ დამარცხდა კრაიოვას მთავარი კონკურენტი უნივერსიტატეა კლუჟი, შედეგად, ქართველის გუნდი ახლა ცხრილს 3-ქულიანი უპირატესობით ლიდერობს - სათამაშო კიდევ 4 ტურია.
მექვაბას გუნდი მომდევნო ტურში, 3 მაისს, უმასპინძლებს დინამო ბუქარესტს, რომელსაც მასზე 8 ქულით ნაკლები აქვს და მე-4 ადგილზე იმყოფება.
