ზურაბ მუსელიანის პარალიმნი, კვიპროსის თასის 1/4 ფინალურ ეტაპზე, ქვეყნის ყველაზე ტიტულოვან გუნდ აპოელ-თან დამარცხდა და ტურნირს გამოეთიშა - 2:3.
ქართველმა თავდამსხმელმა 22-ე წუთზე პენალტი ვერ გაიტანა, თუმცა დამატებაზე ყველას დაასწრო და ანგარიში მაინც გაათანაბრა.
მუსელიანისთვის წლევანდელ სეზონში ჩატარებულ მე-20 მატჩში მე-3 გოლია - თასის 1/8 ფინალში, მან ახნასთან გამარჯვების გოლი შეაგდო, ერთი ბურთიც ჩემპიონატში მიითვალა.
პარალიმნი კვიპროსის თასს გამოეთიშა, ჩემპიონატში კი 21 ტურში 1 ქულა აქვს და გადასარჩენ პლეი-ოფში თამაში მოუწევს.
