VIDEO: ასისტი 21-ე წამზე - გაფრინდაშვილის პირველი საგოლე მოქმედება სეზონში

პოლონეთის თასის 1/16 ფინალურ ეტაპზე, თორნიკე გაფრინდაშვილის არკა გდინია გორნიკ ზაბრჟესთან 1:2 დამარცხდა და ტურნირს გამოეთიშა.

არადა, მასპინძლებისთვის შეხვედრა ბრწყინვალედ დაიწყო და უკვე 21-ე წამზე დაწინაურდნენ - თორნიკე გაფრინდაშვილმა მარცხენა ფლანგიდან კარის გაწვრივ გამჭოლი პასი გააკეთა, შეტევა კი გოლით ესპიაუ ერნანდესმა დაასრულა.

ქართველმა ნახევარმცველმა, რომელიც გორნიკთან 73-ე წუთზე შეცვალეს, 2025-26 წლების სეზონში მე-9 თამაში ჩაატარა და პირველი საგოლე მოქმედება მიითვალა. გასული სეზონის 36 მატჩში 3 გოლი და 7 ასისტი ჰქონდა.

არკა პოლონეთის ექსტრაკლასას მომდევნო ტურში, 2 ნოემბერს, ისევ გორნიკ ზაბრჟეს შეხვდება, ოღონდ, ამჯერად გასვლაზე.