VIDEO: ბელინგემისა და მბაპეს გოლები - რეალმა წელი მოგებით დახურა
4 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
ესპანეთის ლა ლიგის მე-17 ტურში, წლის ბოლო მატჩში რეალმა სანტიაგო ბერნაბეუზე სევილია მიიღო.
შეხვედრაში ანგარიში 38-ე წუთზე გაიხსნა. როდრიგოს ჯარიმიდან ჩაწოდების შემდეგ თავური დარტყმით რეალი წინ ჯუდ ბელინგემმა გაიყვანა და მადრიდელებს პირველი ტაიმი მოაგებინა.
მეორე ტაიმში სევილიას ჰქონდა ანგარიშის გათანაბრების მცდელობები, თუმცა ტიბო კურტუამ რამდენიმე რთული ბურთი მოიგერია.
68-ე წუთზე სტუმართა მხრიდან მარკაომ მეორე ყვითელი ბარათი მიიღო და ანდალუსიელები კაცნაკლული დარჩნენ.
86-ე წუთზე საჯარიმოში როდრიგოს წაქცევის გამო პენალტი დაინიშნა, რომელიც კილიან მბაპემ ზუსტად შეასრულა და ლა ლიგის მიმდინარე სეზონში მე-18 გოლი გაიტანა.
რეალმა 2025 წელი მოგებით დაასრულა და სატურნირო ცხრილში 42 ქულა დააგროვა, ბარსელონასთან ჩამორჩენა 1 ქულაა, თუმცა კატალონიელებს ამ ტურში სათამაშო აქვთ.
![მბაპე მე-5, კვარა მე-8, რონალდუ ასეულს მიღმა — მსოფლიოს საუკეთესო ფეხბურთელები [FourFourTwo]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F5dda5157-20dd-414c-b585-962e99fdf863&w=3840&q=75)
