VIDEO: მბაპემ რონალდუს რეკორდი გაიმეორა და გოლი მის სტილში აღნიშნა
20 დეკ, 2025 · 0 წთ წასაკითხად
-
Aa
+
ფონტის ზომა
ესპანეთის ლა ლიგის მე-17 ტურში, წლის ბოლო მატჩში რეალმა სანტიაგო ბერნაბეუზე სევილია მიიღო და 2-0 დაამარცხა.
მადრიდელთა მხრიდან მე-2 გოლი კილიან მბაპემ გაიტანა, რომელმაც ისტორიული რეკორდი გაიმეორა. ფრანგისთვის ეს 2025 წელს გატანილი 59-ე გოლი აღმოჩნდა, რითიც მან კრიშტიანუ რონალდუს შედეგი დააფიქსირა.
პორტუგალიელმა 2013 წელს რეალის მაისურით სწორედ 59 გოლი გაიტანა, ეს კი მადრიდული კლუბის ისტორიაში აქამდე საუკეთესო შედეგი იყო.
კილიან მბაპემ კი ეს შედეგი გაიმეორა და ახლა ისტორიულ რეკორდს თავის კუმირთან ერთად იყოფს. ფრანგმა სევილიასთან გატანილი პენალტი სწორედ კრიშტიანუს სტილში აღნიშნა.
"დღეს ჩემი კუმირის რეკორდს გავუთანაბრდი, კრიშტიანუ რონალდუ კლუბის ისტორიაში საუკეთესო მოთამაშეა.
ჩემი აღნიშვნა მას მივუძღვენი, ის ჩემი მეგობარი და გმირია. ის ძალიან დამეხმარა." - განაცხადა ფრანგმა მატჩის შემდეგ.
