ზურიკო დავითაშვილმა, საფრანგეთის ლიგა 2-ის 23-ე ტურში, გინგამთან სტუმრად გამართულ მატჩში დუბლი შეასრულა. მისმა სენტ-ეტიენმა 2:1 გაიმარჯვა.
დავითაშვილმა ანგარიში მე-10 წუთზე პენალტიდან გახსნა, რასაც 4 წუთში უკვე თამაშიდან გატანილი ბურთი მიაყოლა. 2026 წელს პირველი გოლები გაიტანა.
ქართველმა შემტევმა 21 დეკემბრის შემდეგ პირველი საგოლე მოქმედებები მიითვალა. ჯამში მიმდინარე ლიგა 2-ში 10 გოლი მოაგროვა და ბომბარდირთა დავის მე-2 პოზიციაზეა - ლიდერ ლუის მაფუტას 1 გოლით ჩამორჩება.
სენტ-ეტიენს 23 ტურში 40 ქულა აქვს, რედ სტარსა და რეიმმს გაუთანაბრდა, ხოლო პირველადგილოსან ტრუას 1 ქულით მეტი აქვს.
ზურიკოს გუნდი მომდევნო ტურში, 21 თებერვალს, ბოლოსწინა ადგილზე მყოფ ლავალს უმასპინძლებს.
