VIDEO: გიჟური დასასრული - ბასილაშვილმა ალკარასთან ბოლომდე იბრძოლა
3 სთ წინ · 0 წთ წასაკითხად
-
Aa
+
ფონტის ზომა
ავსტრიის დედაქალაქში ნიკოლოზ ბასილაშვილისა და კარლოს ალკარასის საოცარი მატჩი შედგა.
კარლოს ალკარასმა ვენის ATP 500 კატეგორიის ტურნირზე ერთმანეთისგან მკვეთრად განსხვავებული ორი სეტისგან შემდგარი მატჩი მოიგო და კარიერაში ATP-ის ტურნირების მეოთხედფინალში მე-60-ედ გავიდა.
ATP-ის რეიტინგის მე-3 ნომერმა, ალკარასმა, ნიკოლოზ ბასილაშვილის წინააღმდეგ მე-2 სეტში მეტოქის გააქტიურებას გაუძლო და შეხვედრა ანგარიშით 6:1, 7:6(11) მოიგო.
ქართველი ჩოგბურთელი მატჩს ბოლო 17 შეხვედრიდან 14 გამარჯვებით შეხვდა. მიუხედავად რთული დასაწყისისა, ბასილაშვილმა თამაშში დაბრუნება და ესპანელისთვის სერიოზული წინააღმდეგობის გაწევა მოახერხა.
თუმცა, გადამწყვეტ მომენტებში ალკარასმა თამაშის დონე კიდევ ერთხელ აამაღლა და საათსა და 41 წუთში გაიმარჯვა.
ვენის Wiener Stadthalle-ზე გამართულ შეხვედრაში ალკარასმა პირველი სეტის ანგარიშიდან 1:1 ზედიზედ 7 გეიმი მოიგო და მატჩზე სრული კონტროლი დაამყარა. ესპანელი კორტის ყველა მონაკვეთზე შთამბეჭდავ ჩოგბურთს აჩვენებდა.
თუმცა, მეორე სეტში ალკარასმა ბრეიკით მოპოვებული უპირატესობა დაკარგა. გასულ კვირას ალმათის ტურნირის ფინალისტმა ბასილაშვილმა ბოლომდე იბრძოლა და მეტოქეს საქმე გაურთულა.
შედეგად, სეტის ბედი ტაი-ბრეიკზე გადაწყდა, სადაც ესპანელმა 4 სეტპოინტი გადაარჩინა, თავად კი მე-4 მატჩპოინტი გამოიყენა და ATP 500 კატეგორიის ტურნირებზე ზედიზედ 23-ე გამარჯვება მოიპოვა.
ვენის ტურნირის მეოთხედფინალში ალკარასი ტომი პოლს დაუპირისპირდება, რომელმაც მანამდე ლუჩანო დარდერი დამაჯერებლად, 6:1, 6:1 დაამარცხა.
