VIDEO: გოლის გატანა შეეძლო - მაისურაძის გუნდმა მე-2 ადგილზე აინაცვლა
1 სთ წინ · 0 წთ წასაკითხად
-
Aa
+
ფონტის ზომა
გიორგი მაისურაძის ჟიტომირ პოლისიემ უკრაინის პრემიერ ლიგის სატურნირო ცხრილში მე-2 ადგილზე გადაინაცვლა. ჩემპიონატის 27-ე ტურის გახსნით მატჩში, პოლისიემ ერთ-ერთ აუტსაიდერ ოლეკსანდრიას 2:1 მოუგო.
მაისურაძემ ძირითად შემადგენლობაში ზედიზედ მე-6 თამაში დაიწყო, მოედანზე 87 წუთი გაატარა და, დაცვითი მოვალეობების გარდა, შეტევაში საკმაოდ აქტიური იყო - ერთ მომენტში კარგად დაარტყა და გოლამდე ცოტა დააკლდა.
ქართველმა განაპირა მცველმა პრემიერ ლიგის მიმდინარე სეზონში მე-10 შეხვედრა ჩაატარა და აქტივში 1 გოლი აქვს - ბოლოადგილოსან პოლტავას გაუტანა.
ჟიტომირ პოლისიემ 55 ქულა მოაგროვა, შოთა ნონიკაშვილის ლნზ ჩერკასის გადაასწრო და მე-2 პოზიციაზე აინაცვლა - ლნზ ჩერკასი დღეს დინამო კიევს მასპინძლობს.
მომდევნო ტურში, 12 მაისს, ჟიტომირ პოლისიე ლიგაში დასარჩენად მებრძოლ მე-12 ადგილოსან ეპიცენტრს ესტუმრება.
