VIDEO: გუნდის ქულების მეოთხედი მიითვალა - მამუმ კარიერაში მე-3 ყველაზე შედეგიანი მატჩი ჩაატარა
2 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
სანდრო მამუკელაშვილმა NBA-ის წლევანდელ რეგულარულში ქულების პირადი რეკორდი დაამყარა, ხოლო კარიერულად მე-3 შედეგი დააფიქსირა. მისმა ტორონტომ შინ ბოსტონთან 96:112 წააგო.
ჯეიკობ პიოტლის არყოფნაში, მამუ კვლავ კანადელთა სასტარტო ხუთეულში იყო, 29:47 წუთი ითამაშა და, ბრენდონ ინგრემთან ერთად, თავის გუნდში საუკეთესო იყო - 24 ქულა, 5 მოხსნა, 1 ასისტი (ინგრემს 24 ქულა, 4 მოხსნა, 7 ასისტი ჰქონდა). 4-დან 3 ორქულიანი და 9-დან 6 სამქულიანი ჩააგდო, 1 ბლოკი და 2 დაკარგვაც იყო მის ანგარიშზე.
სანდროს მიმდინარე სეზონში აქამდე ყველაზე მეტი, 23 ქულა ვაშინგტონ ვიზარდსთან ჰქონდა ჩაგდებული, კარიერაში ამაზე უკეთესი შედეგი კი 2-ჯერ დააფიქსირა - 2025 წელს, როცა ნიუ იორკს 34 ქულა ჩაუგდო და 2022 წელს, როცა კლივლენდთან 28 ქულა ჩაიწერა აქტივში.
რეპტორსმა მიმდინარე რეგულარულში ტორონტოსთან მეორედ ითამაშა, ორივეჯერ შინ და ორივე შემთხვევაში დამარცხდა.
დარკო რაიაკოვიჩის გუნდს 17 მოგება და 12 წაგება აქვს, რითაც აღმოსავლეთ კონფერენციის მე-5 ადგილზე იმყოფება - ლიდერ დეტროიტ პისტონსთან სხვაობა 5 მოგებაა.
