ბუნიოდქორის შემტევმა იმედა აშორტიამ უზბეკეთის სუპერ ლიგის 2025 წლის სეზონი 12 საგოლე მოქმედებით დაასრულა.
ქართველმა გარემარბმა ჩემპიონატის ბოლო 3 ტურში ზედიზედ გაიტანა - ბოლო რაუნდში, ანდიჯანთან შეხვედრაში, საჯარიმოს გარედან, ლამაზი გოლი შეაგდო.
შედეგად, აშორტიამ ჩემპიონატი 10 გოლით (ასევე 2 ასისტი) დაასრულა და მე-5 ადგილოსანი ბუნიოდქორის საუკეთესო ბომბარდირი გახდა.
განსაკუთრებით კარგ ფორმაში სექტემბრის ბოლოდან შევიდა და მას შემდეგ სუპერ ლიგის 7 ტურში 6 გოლი შეაგდო.
29 წლის აშორტიასთვის ეს კარიერის საუკეთესო სეზონი გამოვიდა - აქამდე ყველაზე მეტი გოლი 2023 წელს, თელავის რიგებში, ეროვნულ ლიგაში ჰქონდა გატანილი.
როგორც ვთქვით, ბუნიოდქორი უზბეკეთის ჩემპიონატის მე-5 ადგილზე გავიდა და ჩემპიონ ნეფტჩი ფარგონას 15 ქულით ჩამორჩა.
