VIDEO: პრე-ასისტი შეასრულა - ჩაკვეტაძემ ტრავმის შემდეგ მეორედ ითამაშა
1 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
გიორგი ჩაკვეტაძემ, თითქმის 8-თვიანი უთამაშებლობის შემდეგ, უოტფორდის რიგებში ზედიზედ მე-2 მატჩში მიიღო მონაწილეობა.
ქართველი მოედანს 25 ნოემბერს, პრესტონთან მატჩისას დაუბრუნდა და 17 წუთი ითამაშა, ახლა კი ბირმინგემთან სტუმრად გამართულ შეხვედრაში უფრო მეტი დრო მიიღო და გოლშიც მიიღო მონაწილეობა.
ჩაკვე მინდორზე 59-ე წუთზე შეიყვანეს - ორიოდ წუთში, მარკ ბოლაზე გაკეთებული პასი პრე-ასისტი გამოდგა და შეტევა ოტმანე მაამმას გოლით დასრულდა.
ინფორმაციისთვის, 26 წლის ქართველმა ჩემპიონშიფის გასული სეზონის 39 თამაშში 2 გოლი და 6 ასისტი ჩაიწერა აქტივში.
უოტფორდელებმა ბირმინგემში 1:2 წააგეს, რითაც პლეი-ოფის ზონას 5 ქულამდე დაშორდნენ და მე-15 ადგილამდე დაეშვნენ.
6 დეკემბერს, გიორგის გუნდი შინ დაუხვდება ნორვიჩს, რომელიც ჩემპიონშიფის ბოლოსწინა, 23-ე ადგილზეა - 18 ტურში 13 ქულა აქვს.
