სლოვენიის ქალაქ მარიბორში გამართულ ძიუდოს ახალგაზრდულ ევროპის თასზე, ქართველმა სპორტსმენებმა 3 მედალი მოიპოვეს - 1 ვერცხლი და 2 ბრინჯაო.
73 კგ. წონით კატეგორიაში, გიგი გიუნაშვილმა ფინალამდე მისვლა შეძლო, თუმცა იქ იაპონელ კეიშო მიცუიშისთან დამარცხდა და ვიცე-ჩემპიონის წოდება დაიმსახურა.
ამავე წონის 1/2 ფინალში, მიცუიშიმ კიდევ ერთ ქართველ გიორგი გივიშვილს მოუგო, რომელმაც შემდეგ რეპეშაჟში გადაინაცვლა და ბრინჯაოს მედლისთვის შეხვედრა უკრაინელ დანილო კრავჩენკოს მოუგო.
ჩვენს გუნდს რიგით მე-3 მედალი შოთიკო გოჩიაშვილმა მოუტანა - ძირითად ბადეში 1 ბრძოლა მოიგო, რეპეშაჟში კი ზედიზედ 3 შეხვედრაში გაიმარჯვა და ბრინჯაოს მედალს დაეუფლა.
