VIDEO: ჰამბურგმა დორტმუნდთან ქულა აიღო - გოჩოლეიშვილმა 74 წუთი ითამაშა
08 ნოე, 2025 · 0 წთ წასაკითხად
-
Aa
+
ფონტის ზომა
გერმანიის ბუნდესლიგის მე-10 ტურში ჰამბურგმა საკუთარ მოედანზე დორტმუნდი მიიღო.
მასპინძელთა სასტარტო შემადგენლობაში იყო გიორგი გოჩოლეიშვილი, რომელმაც მოედაზე 74 წუთი გაატარა.
შეხვედრის პირველი ტაიმი უგოლოდ დასრულდა, 64-ე წუთზე კი სტუმართა მხრიდან ანგარიში კარნი ჩუკვუემეკამ გახსნა.
ბორუსია მოგებასთან ახლოს იყო, თუმცა მატჩის კომპენსირებული დროის მე-7 წუთზე რანსფორდ კონიგსდორფერმა ანგარიში გაათანაბრა და ჰამბურგს ქულა მოუტანა.
10 ტურის შემდეგ დორტმუნდი სატურნირო ცხრილში 21 ქულით მე-3 ადგილზეა და ბაიერნს 7 ქულით ჩამორჩება, გოჩოლეიშვილის ჰამბურგი კი 9 ქულით მე-12 პოზიციაზეა და გასავარდნ ზონას 3 ქულით უსწრებს.
რაც შეეხება თავად ქართველ მოთამაშეს, გიორგიმ Sofascore-სგან 7.0 შეფასება დაიმსახურა. მან 2 მნიშვნელოვანი პასი გააკეთა, მისი 13 პასიდან კი 12 ზუსტი იყო, 3 ვარდნიდან სამივე წარმატებული, დუელებიდან კი 4-დან 3 მოიგო.
