VIDEO: იოკიჩისა და შენგუნის სამმაგები - დენვერმა ჰიუსტონს ოვერტაიმში მოუგო

NBA-ის რეგულარული სეზონის მატჩში დენვერ ნაგეტსი ჰიუსტონ როკეტსს დაუპირისპირდა.

შეხვედრა საკმაოდ დაძაბული გამოდგა, ძირითადი დრო 117-117 დასრულდა, ოვერტაიმში კი გამარჯვება დენვერმა მოიპოვა (128-125).

გამარჯვებულ გუნდს ნიკოლა იოკიჩმა და ჯამალ მარიმ ულიდერეს. სერბმა მორიგი სამმაგი დუბლი მიითვალა (39 ქულა, 15 მოხსნა, 10 შედეგიანი გადაცემა), კანადელის ანგარიშზე კი 35 ქულა იყო.

ჰიუსტონის მხრიდან სამმაგი დუბლი მიითვალა ალფერენ შენგუნმაც (33 ქულა, 10 მოხსნა, 10 შედეგიანი გადაცემა), კევინ დურანტმა კი 25 ქულა ჩაიწერა აქტივში.

იოკიჩი და შენგუნი NBA-ის ისტორიაში პირველი ცენტრები გახდნენ, რომლებმაც ერთ თამაშში სამმაგი დუბლები შეასრულეს.

დენვერი 25 მატჩში 19 მოგებით დასავლეთ კონფერენციაში მე-2 ადგილზეა, ჰიუსტონი კი 23 შეხვედრაში 16 გამარჯვებით მე-5 პოზიციას იკავებს.