საუდის არაბეთში სტარტი აზიის 23-წლამდელთა ჩემპიონატმა აიღო.
პირველ ტურში ერთმანეთს ირანისა და სამხრეთ კორეის U23 ნაკრებები დაუპირისპირდნენ. მატჩი 0-0 დასრულდა, თუმცა ამ შეხვედრიდან აღსანიშნავი სხვა რამ არის.
თამაშის დაწყებამდე ირანელი ფეხბურთელები ირანის ისლამური რესპუბლიკის ჰიმნს დუმილით შეხვდნენ.
გეტყვით, რომ ირანში რეჟიმის წინააღმდეგ პროტესტის დიდი ტალღაა აგორებული, რასაც მოქალაქეებსა და პოლიციელებს შორის შეტაკებებიც მოჰყვა.
პროტესტის ფონზე ირანელმა ხალხმა რამდენიმე ქალაქზე კონტროლი უკვე მოიპოვა და რეჟიმის წარმომადგენლებს აქტიურად უპირისპირდებიან.
