VIDEO: ისევ სინერი და ალკარასი - ამჯერად Six Kings Slam-ის ფინალში

საუდის არაბეთში საჩოგბურთო ტურნირი Six Kings Slam იმართება.

წლევანდელ ტურნირში მონაწილეობა ამ ექვსმა ჩოგბურთელმა მიიღო - კარლოს ალკარასი, ტეილორ ფრიცი, ალექსანდერ ზვერევი, სტეფანოს ციციპასი, იანიკ სინერი და ნოვაკ ჯოკოვიჩი.

მეოთხედფინალურ მატჩში ფრიცმა ზვერევი დაამარცხა 2 სეტში, ხოლო სინერმა - ციციპასი.

ნახევარფინალში კი ალკარასმა ფრიცს მოუგო 2 სეტში (6-4, 6-2), სინერმა კი ჯოკოვიჩს აჯობა (6-4, 6-2).

ასე რომ წელს კიდევ ერთ ფინალურ მატჩს ვიხილავთ, სადაც ერთმანეთს კარლოს ალკარასი და იანიკ სინერი დაუპირისპირდებიან. მატჩი 18 ოქტომბერს გაიმართება, მესამე ადგილისთვის კი ერთმანეთს ფრიცი და ჯოკოვიჩი შეხვდებიან.

Six Kings Slam უკვე მეორე წელია იმართება და ის საჩვენებელ ხასიათს ატარებს, მას ოფიციალური ქულები მინიჭებული არ აქვს და მისი შედეგები ATP რეიტინგზე არ აისახება.