გერმანიის ბუნდესლიგის მე-9 ტურში მაინცმა საკუთარ მოედანზე მიუნხენის ბაიერნი მიიღო.
შეხვედრაში სტუმრები მე-14 წუთზე დაწინაურდნენ. ჰარი კეინის პასის შემდეგ იოზუა კიმიხმა საჯარიმოს მისადგომებიდან დარტყმით ანგარიში გახსნა.
მეორე ტაიმში ბაიერნმა კიდევ ერთი გოლის გატანა მოახერხა, ინგლისელი თავდამსხმელის მორიგ ასისტს ლენარტ კარლის გოლი მოჰყვა.
საბოლოო ანგარიში მატჩის კომპენსირებულ დროში დაფიქსირდა, ფილიპ ტიცმა ერთი ბურთი გაქვითა და შეხვედრა სტუმრების გამარჯვებით 1-2 დასრულდა.
პარალელურად დორტმუნდმა ელვერსბერგი იმავე ანგარიშით დაამარცხა, შესაბამისად ბაიერნიც და ბორუსიაც სატურნირო ცხრილს 21-21 ქულით ლიდერობენ.
