VIDEO: ლობჯანიძის დუბლი - ქართველების ჟენისი ყაზახეთის თასის 1/8 ფინალში გავიდა

ყაზახეთის თასის 1/16 ფინალურ ეტაპზე, ქართველების ჟენისმა ქვედა დივიზიონის კლუბ ხრომტაუს სტუმრად 4:1 მოუგო და შემდეგ ეტაპზე გავიდა.

მატჩის ერთ-ერთი მთავარი გმირი ელგუჯა ლობჯანიძე გახლდათ, რომელმაც დუბლი შეასრულა - ჯერ ერთი-ერთზე შეაგდო, შემდეგ კი პენალტიდან საბოლოო ანგარიში დააფიქსირა.

33 წლის თავდამსხმელის გარდა, ჟენისში კიდევ 2 ქართველი თამაშობს - ნახევარმცველი ლუკა იმნაძე სათადარიგოთა შორის იყო, ხოლო ცენტრალურ მცველ ზურაბ თევზაძეს, რომელმაც ჩემპიონატის გასულ ტურში, ოკჟეტპესთან გოლი შეაგდო, დასვენების საშუალება მიეცა და განაცხადში არ ყოფილა.

ჟენისს 1/8 ფინალურ ეტაპზე გაცილებით სერიოზული მეტოქე ეყოლება და სწორედ ნახსენებ ოკჟეტპესს დაუპირისპირდება.