VIDEO: ლუის სუარესი და სერხიო ბუსკეტსი დისკვალიფიკაციით დაისაჯნენ

ლიგის თასის საორგანიზაციო კომიტეტმა ლუის სუარესი და სერხიო ბუსკეტსი დასაჯა.

მიზეზი ტურნირის ფინალში სიეტლ სანდერსთან მომხდარი ინციდენტებია.

ურუგვაელმა თავდამსხმელმა მეტოქე გუნდის წარმომადგენელს შეაფურთხა, რის გამოც 6-მატჩიანი დისკვალიფიკაცია მიიღო. სუარესმა აღნიშნული ინციდენტიდან რამდენიმე დღის შემდეგ სოციალურ ქსელში ბოდიში მოიხადა.

ესპანელმა ნახევარმცველმა კი სიეტლის ფეხბურთელ ობედ ვარგასს სახეში დაარტყა ხელი. ბუსკეტსი ამის გამო 2-მატჩიანი დისკვალიფიკაციით დაისაჯა.

აღნიშნული სასჯელები მხოლოდ ლიგის თასის მატჩებზე გავრცელდება.

ინტერ მაიამი სიეტლ სანდერსთან ფინალურ მატჩში 3-0 დამარცხდა.