ლიონელ მესიმ პუერტო რიკოელ გულშემატკივრებს ტრავმის მიღების შემდეგ ბოდიში მოუხადა.
ამის გამო ინტერ მაიამის პარასკევს დაგეგმილი ამხანაგური მატჩიც გადაიდო.
„გამარჯობა ყველას, მინდა მივესალმო პუერტო რიკოს ხალხს, როგორც მათ, ვინც უნდა დასწრებოდა სავარჯიშო სესიას, ასევე მათ, ვინც მატჩზე აპირებდა მოსვლას.
სიმართლე ისაა, რომ ეკვადორში გამართულ ბოლო მატჩში დისკომფორტი ვიგრძენი, რის გამოც მატჩის დასრულებამდე გამოვედი მოედნიდან. ამის გამო, ორგანიზატორებთან და კლუბთან ერთად ამ მატჩის არჩატარება გადაწყდა. იმედი მაქვს, რომ შესაძლებელი იქნება მისი გადადება და მოგვიანებით შევხვდებით და გესტუმრებით.
დიდ მადლობას გიხდით მხარდაჭერისა და სითბოსთვის. ვიცი, რომ ბილეთები უკვე გაყიდული იყო და ყველაფერი მზად იყო, ამიტომ იმედი მაქვს, მოგვიანებით შევძლებთ ამის განხორციელებას." - განაცხადა არგენტინელმა.
ინტერ მაიამიმ დაადასტურა, რომ ლეო მესიმ ვარჯიშში მონაწილეობა მარცხენა ბარძაყის უკანა კუნთის დაჭიმულობის გამო არ მიიღო.
„მისი ვარჯიშებში ეტაპობრივი დაბრუნება დამოკიდებული იქნება უახლოეს დღეებში მის კლინიკურ და ფუნქციურ პროგრესზე.“ - წერია ამერიკული კლუბის განცხადებაში.
