VIDEO: მამარდამ პრემიერ ლიგაში ნოემბრის შემდეგ პირველად ითამაშა - ლივერპული ბრაიტონში დამარცხდა

ალისონ ბეკერის არყოფნაში, გიორგი მამარდაშვილმა პრემიერ ლიგაში მორიგი მატჩი ჩაატარა. მისი ლივერპული ბრაიტონთან სტუმრად 1:2 დამარცხდა.

თოლიებისგან ორივე გოლი დენი უელბეკმა შეაგდო, რომელთა შორისაც მილოშ კერკეშის გამათანაბრებელი გოლი იყო. მამარდაშვილს 3 სეივი ჰქონდა და, მაგალითად, FlashScore-ს მიხედვით, ლივერპულის მხარეს ყველაზე მაღალი შეფასება მიიღო - 7.3, ვირცმა და სობოსლაიმ 7.2-7.2 დაიმსახურეს.

მამარდაშვილმა პრემიერ ლიგის წლევანდელ სეზონში მეექვსედ, 9 ნოემბრის შემდეგ კი პირველად ითამაშა - 1 მოგება და 5 წაგება (ჩელსისთან, მანჩესტერ იუნაიტედთან, ბრენტფორდთან, მანჩესტერ სიტისთან და ბრაიტონთან, მხოლოდ ასტონ ვილას მოუგეს).

ბრაიტონი კარგ ფორმაშია და, არსენალთან მარცხის გარდა, ბოლო 5-დან 4 ტურში მოიგო, ლივერპულმა კი ბოლო 3 ტურში მხოლოდ 1 ქულა აიღო.

31 ტურის შემდეგ, არნე სლოტის გუნდს 49 ქულა აქვს და თუკი ასტონ ვილა შინ ვესტ ჰემს დაამარცხებს, ჩემპიონთა ლიგის ზონასთან სხვაობა 5 ქულამდე გაიზრდება.

მომდევნო ტურში, 11 აპრილს, ლივერპულელთა მეტოქე ფულემი იქნება - მატჩი ენფილდზე ჩატარდება.