VIDEO: პირველი დუბლი კარიერაში - ლოჩოშვილის სუპერ მატჩი სანაკრებო შესვენებამდე
2 სთ წინ · 0 წთ წასაკითხად
-
Aa
+
ფონტის ზომა
ლუკა ლოჩოშვილმა 9-წლიან პროფესიონალურ კარიერაში პირველი დუბლი შეასრულა.
ნიურნბერგის ქართველმა მცველმა, გერმანიის მე-2 ბუნდესლიგის 27-ე ტურში, კაიზერსლაუტერნთან ჯერ ანგარიში გახსნა, შემდეგ კი საბოლოო შედეგი დააფიქსირა - 3:0. ლუკამ ორივე გოლი კუთხურის შემდეგ შეაგდო, პირველი - თავით, მეორე - ფეხით.
ლოჩოშვილს კარიერაში ყველაზე შედეგიანი სეზონი აქვს - ჩემპიონატის 26 თამაშში 4 გოლი აქვს გატანილი.
27 ტურის შედეგად, ბავარიულ კლუბს 36 ქულა მოუგროვდა, მე-9 ადგილზეა და ზედა ექვსეულს 5 ქულით ჩამორჩება. მომდევნო ტურში მე-13 ადგილოსან ბრაუნშვაიგს ესტუმრება.
