თბილისში, უნივერსიტეტის ქუჩაზე მდებარე თბილისი არენაზე, ჯუდოს დიდი სლემი მიმდინარეობს.
ტურნირის მე-2 დღეს, ფინალურ ბლოკში 2 ქართველი მიიღებს მონაწილეობას და ორივე ბრინჯაოს მედლისთვის იბრძოლებს.
73 კგ. წონით კატეგორიაში, 21 წლის გიორგი ლოლაძემ მოქმედი ოლიმპიური ჩემპიონი, მსოფლიო ჩემპიონი და 4-გზის ევროპის ჩემპიონი, აზერბაიჯანელი ჰიდაიატ ჰეიდაროვი დაამარცხა, 1/2 ფინალამდე მივიდა, თუმცა იქ ფინელ ვალტერი ოლინთან დამარცხდა. ბრინჯაოს მედლისთვის ბრძოლაში თურქ მუჰამედ დემირელს დაუპირისპირდება.
81 კგ. წონით კატეგორიაში, დიმიტრი გოჩილაიძე ასევე 1/2 ფინალში, თურქ ვედატ ალბაიარაქთან, დამარცხდა და ბრინჯაოს მედლისთვის მსოფლიოსა და ევროპის ჩემპიონ ბელგიელ მატიას კასეს შეხვდება.
შეგახსენებთ, საქართველოს ნაკრებმა გათამაშების პირველ დღეს 1 მედალი მოიპოვა - 19 წლის თორნიკე გიგაურმა უფროსებში საერთაშორისო ტურნირზე პირველად იასპარეზა და მე-3 ადგილზე გავიდა.
