ლა ლიგის მე-19 ტურის ეგიდით სან მამესზე ატლეტიკისა და რეალის დაპირისპირება გაიმართა.
შეხვედრაში ანგარიში სწრაფი გოლით გაიხსნა. მე-7 წუთზე კილიან მბაპემ ბრწყინვალე სოლო-რეიდის შემდეგ მადრიდელები წინ გაიყვანა.
42-ე წუთზე რეალმა კიდევ ერთი ლამაზი გოლი გაიტანა, ლამაზი გუნდური კომბინაცია ედუარდო კამავინგამ თავური დარტყმით დაასრულა.
59-ე წუთზე კილიან მბაპემ შორეული გასროლით კიდევ ერთი გოლი გაიტანა და დუბლი შეასრულა. ფრანგ შემტევს 2025 წელს 62 გოლი დაუგროვდა
რეალმა ატლეტიკი სტუმრად 0-3 გაანადგურა და ლა ლიგაში 36 ქულა დაუგროვდა. ჩაბი ალონსოს გუნდი ლიდერ ბარსელონას 1 ქულით ჩამორჩება.
7' მბაპე 0-1
42' კამავინგა 0-2
59' მბაპე 0-3
