VIDEO: მბაპეს პოკერი - რეალის უხვგოლიანი გამარჯვება საბერძნეთში
26 ნოე, 2025 · 0 წთ წასაკითხად
-
Aa
+
ფონტის ზომა
უეფას ჩემპიონთა ლიგის მე-5 ტურში მადრიდის რეალი საბერძნეთს ესტუმრა და ოლიმპიაკოსს დაუპირისპირდა.
შეხვედრაში ანგარიში მასპინძლებმა გახსნეს. მე-8 წუთზე ლამაზი კომბინაციის შემდეგ გოლი ჩიკინიომ გაიტანა.
22-ე წუთზე ვინისიუს ჟუნიორის ტრიველა პასის შემდეგ კილიან მბაპემ ანგარიში გაათანაბრა, 2 წუთში ფრანგმა თავური დარტყმით დუბლი შესარულა, 29-ე წუთზე კი მბაპემ კიდევ ერთი გოლი გაიტანა და 7 წუთში ჰეთ-თრიქი გაიფორმა.
52-ე წუთზე შეცვლაზე შემოსულმა მეჰდი ტარემიმ სხვაობა შეამცირა, თუმცა მე-60 წუთზე კვლავ ვინისიუს ჟუნიორის პასის შემდეგ კილიან მბაპემ პოკერი შეასრულა და ორბურთიანი სხვაობა აღადგინა.
81-ე წუთზე აიუბ ელ ქააბიმ თავური დარტყმით მოახერხა ანდრეი ლუნინის კარის აღება და ანგარიში 3-4 გახადა, საბოლოოდ მატჩი ასეც დასრულდა და რეალმა საბერძნეთში 3 ქულა მოიპოვა.
ჩაბი ალონსოს გუნდს 5 ტურის შემდეგ 12 ქულა დაუგროვდა და ლიგის ფაზის ცხრილში მე-5 ადგილზე იმყოფება.
