ლიონელ მესი კვლავ აგრძელებს მსოფლიო დონის ოსტატობის დემონსტრირებას.
გასულ ღამეს „ლა პულგამ“ ინტერ მაიამისა და კოლუმბუს ქრიუს მატჩში (1:2) ულამაზესი საჯარიმო დარტყმით გაიტანა და კიდევ ერთ რეკორდს მიუახლოვდა.
მესის პირდაპირი საჯარიმო დარტყმით უკვე 76 გოლი აქვს გატანილი და მარსელინიო კარიოკას მსოფლიო რეკორდის გასაუმჯობესებლად მხოლოდ 3 გოლი სჭირდება.
თუმცა, მესის რეგულარული სეზონის 21-ე გოლი საბოლოოდ უშედეგო აღმოჩნდა, რადგან კოლამბუს ქრიუმ დიდი მონდომება გამოავლინა და მატჩის ხანგრძლივი მონაკვეთების განმავლობაში ინტერ მაიამის შეტევებს წარმატებით უმკლავდებოდა.
ზედიზედ 4 ფრის შემდეგ განცდილი მარცხი ნიშნავს, რომ მაიამის ჩემპიონატში აგვისტოს ბოლოდან მოყოლებული აღარ მოუგია.
გუნდს ბოლო 10 შეხვედრაში მხოლოდ 1 გამარჯვება აქვს და აღმოსავლეთ კონფერენციაში მე-3 ადგილზე ჩამოქვეითდა.
ამ მარცხმა კიდევ უფრო შეამცირა მაიამის ისედაც მცირე შანსები, აღმოსავლეთ კონფერენციის ლიდერ ნეშვილს დაეწიოს.
ამჟამად მაიამი ლიდერ ნეშვილს 14 ქულით ჩამორჩება, რეგულარული სეზონის დასრულებამდე კი 7 მატჩია დარჩენილი.
