VIDEO: მოხსნებში მე-3 საუკეთესო - ბითაძის ორლანდომ ზედიზედ მეორედ წააგო

გოგა ბითაძის ორლანდო მეჯიქმა NBA-ის რეგულარულის ზედიზედ მეორე მატჩი წააგო. ქართველი ცენტრი მოხსნებში ერთ-ერთი საუკეთესო იყო.

ორლანდოელებმა ჩიკაგო ბულსს უმასპინძლეს და 12-ქულიანი სხვაობით - 98:110 დამარცხდნენ. ხარებს ულიდერა ჯოშ გაიდიმ, რომელსაც 21 ქულა, 8 მოხსნა და 3 ასისტი ჰქონდა.

ბითაძემ პარკეტზე ზუსტად 17 წუთი გაატარა და, 3 ქულასა და 2 ასისტთან ერთად, 9 მოხსნა მიითვალა, რაც, ორივე გუნდის მოთამაშეთა შორის, მე-3 მაჩვენებელი გახლდათ - უენდელ კარტერმა ბურთი ფარიდან 13-ჯერ მოხსნა, ხოლო პაოლო ბანკერომ 10-ჯერ.

ორლანდომ მე-3 მატჩი გამართა და მეორედ დამარცხდა. მომდევნო შეხვედრას, 28 ოქტომბრის 03:00 საათზე, ფილადელფიასთან სტუმრად გამართავს.