ჩემპიონთა ლიგის მე-4 ტურის მატჩში მანჩესტერ იუნაიტედმა რომა დაამარცხა.
ოლდ ტრაფორდზე გამართული მატჩი იუნაიტედის გამარჯვებით 3:2 დასრულდა.
კერიკის გუნდი პირველი ტაიმის შემდეგ 0:2-ს მარცხდებოდა. მე-18 წუთისთვის სოულეს და მალენის გოლებით რომაელები დამაჯერებლად იგებდნენ, თუმცა შესვენების შემდეგ ეშმაკებმა სიტუაციის თავდაყირა დაყენება მოახერხეს.
58-ზე ბრუნო ფერნანდეშმა ერთი ბურთი პენალტიდან გაქვითა, რომელიც მეორე მცდელობით გაიტანა - პირველ ცდაზე მან მეკარეს ვერ აჯობა, თუმცა მცველის საჯარიმოში ნაადრევად შერბენის გამო დარტყმა მეორედ შეასრულებინეს, რომელიც ზუსტი აღმოჩნდა.
შემდეგ კი, მატჩის ბოლო წუთების გმირი მათეუს კუნია გახდა, რომელმაც სამ წუთში დუბლი შეასრულა, შემდეგ კი ორი ყვითელი ბარათი მიიღო და ბოლო წუთები მანჩესტერმა 10 კაცით ჩაამთავრა.
მიუხედავად ამისა, იუნაიტედმა უპირატესობა შეინარჩუნა და 10-მატჩიანი მოუგებელი სერია ბრწყინვალე სტილში დაასრულა.
4 ტურის შემდეგ ემიუს 6 ქულა აქვს და მე-17 ადგილს იკავებს, რომა კი 4 ქულით მე-19 პოზიციაზეა.
