VIDEO: ორი შედევრი და მცველების გოლები — რეალმა ელჩე გაანადგურა

ლა ლიგის 28-ე ტურში მადრიდის რეალმა საკუთარ მოედანზე ელჩე გაანადგურა.

შეხვედრა სანტიაგო ბერნაბეუზე გაიმართა და მასპინძელთა გამარჯვებით 4:1 დასრულდა.

ულამაზესი გოლები ფედე ვალვერდემ და არდა გიულერმა გაიტანეს, თურქმა საერთოდ თავისი ნახევრიდან შეძლო მეტოქის კარის აღება. თითო გოლი კი ანტონიო რუდიგერმა და დინ ჰაუსენმა მიითვალეს.

მეორე ნახევარში ალვარო არბელოამ მოედნიდან ლიდერები სიტისთან მატჩისთვის დასასვენებლად გაიყვანა და ახალგაზრდებს მისცა შანსი — ერთ-ერთმა მათგანმა, დანიელ იბანიესმა მესამე გოლზე საგოლე პასიც მიითვალა.

რეალმა 66 ქულა დააგროვა და სატურნირო ცხრილში ბარსელონასთან სხვაობა 1 ქულამდე შეამცირა, რომელიც თავის მატჩს მოგვიანებით სევილიას წინააღმდეგ გამართავს.

1-0 რუდიგერი 39'

2-0 ვალვერდე 44'

3-0 ჰაუსენი 66'

3-1 ანხელი 85' ავტოგოლი

4-1 გიულერი 89'