VIDEO: ოვერტაიმით მოუგეს - მამუს ტორონტომ გოლდენ სტეიტი დაამარცხა

სანდრო მამუკელაშვილის ტორონტო რეპტორსმა გოლდენ სტეიტ უორიორსი, ოვერტაიმის შედეგად, დაამარცხა - 141:127.

ბოლო მეოთხედში კალიფორნიელები 12-ქულიანი სხვაობით დაწინაურდნენ, თუმცა კანადელებმა თამაშის დამატებით დროში გადაყვანა შეძლეს, იქ კი დიდი უპირატესობა ჰქონდათ და მეტოქეს მხოლოდ 5 ქულა ჩააგდებინეს (19:5).

მამუმ 21:48 წუთი ითამაშა და საკუთარ გუნდს 13 ქულა და 6 მოხსნა შეჰმატა. ასევე, 2 ჩაჭრა და 1 ბლოკიც ჰქონდა.

სუპერ თამაში ჰქონდა სკოტი ბერნსს, რომელმაც უსოლიდურესი სამმაგი დუბლი მიითვალა - 23 ქულა, 25 მოხსნა, 10 ასისტი. სტუმართა გუნდში ყველაზე შედეგიანი ლეგენდარული სტეფ კარი გახლდათ - 39 ქულა, 3 მოხსნა, 4 ასისტი. თუმცა, საგულისხმოა, რომ 30-დან მხოლოდ 12 ბურთი ჩააგდო. ტორონტოს მხარეს, იმანუელ ქვიქლიმ 27 ქულა მიითვალა, ბრენდონ ინგრამმა - 26, ხოლო ჯეი'კოუბ ვალტერმა - 18.

რეპტორსმა 33-დან მე-19 შეხვედრა მოიგო და აღმოსავლეთ კონფერენციის მე-4 ადგილზეა - ლიდერ დეტროიტს ბალანსი 24:8-ზე აქვს.

სანდროს გუნდი საშინაო სერიას აგრძელებს - 30 დეკემბრის 04:30 საათზე, გოგა ბითაძის ორლანდო მეჯიქს შეხვდებიან, რის შემდეგაც დენვერ ნაგეთსსა და 2-ჯერ ატლანტა ჰოუქსს უმასპინძლებენ.