VIDEO: ფილადელფიამ და პორტლენდმა სერიის მეორე მატჩები მოიგეს

NBA-ის საპლეიოფო ეტაპზე სერიების მეორე მატჩები გაიმართა.

პირველი შეხვედრის მოგების შემდეგ, ბოსტონ სელტიკსი ფილადელფია სევენთისიქსერსს დაუპირისპირდა და 97-111 დამარცხდა. გამარჯვებულ გუნდს ჯეიარ ეჯეკომბმა (30 ქულა, 10 მოხსნა) და ტაირეს მაქსიმ (29 ქულა, 9 შედეგიანი გადაცემა) ულიდერეს.

 ბოსტონიდან კი გამორჩეული ჯეილენ ბრაუნი იყო, რომელმაც 36 ქულა მიითვალა, თუმცა ეს მოგებისთვის საკმარისი არ აღმოჩნდა და ფილადელფიამ სერიაში ანგარიში გაათანაბრა.

დაძაბული მატჩი შედგა სან ანტონიო სპურსსა და პორტლენდ ტრეილ ბლეიზერსს შორის, რომელიც ამ უკანასკნელის გამარჯვებით 103-106 დასრულდა. პორტლენდიდან საუკეთესო სკუტ ჰენდერსონი იყო, რომელმაც 31 ქულა ჩაიწერა აქტივში, სპურსიდან კი ყველაზე მეტი ქულა სტეფონ ქესლმა (18 ქულა) დააგროვა.

ფილადელფიას მსგავსად სერიაში ანგარიში ბლეიზერსმაც გაათანაბრა. გუნდებს შორის მე-3 მატჩები 25 აპრილს გაიმართება.