საკალათბურთო ევროლიგის მიმდინარე სეზონში თორნიკე შენგელიას დუბაი პირველად დამარცხდა.
რეალისა და ბარსელონას დაძლევის შემდეგ, ქართველი კალათბურთელის გუნდი თურქეთში ფენერბაჰჩეს ესტუმრა და მძიმე ბრძოლაში 66:76 დათმო.
თორნიკე შენგელიამ მოედანზე 14 წუთი და 20 წამი დაჰყო, რა დროშიც საკუთარ გუნდს 4 ქულა და 1 მოხსნა შესძინა.
ქართველმა ფორვარმა ზუსტად შეასრულა ერთი ორქულიანი და ორივე საჯარიმო სროლა, თუმცა ერთი სამქულიანი ააცილა. ამასთან, მის ანგარიშზე ორი დაკარგული ბურთი და სამი პერსონალური ჯარიმა დაფიქსირდა.
ამ მარცხის მიუხედავად, დუბაი სატურნირო ცხრილში კვლავ მყარ პოზიციას ინარჩუნებს და მომდევნო შეხვედრას უკვე ABA ლიგის ეგიდით გამართავს.
