VIDEO: როცა ასაკი მართლა უბრალოდ ციფრებია — 40 წლის ლუკა მოდრიჩმა მილანს ბოლო წუთებზე მოაგებინა

იტალიის სერია ა-ს 25-ე ტურში მილანმა სტუმრად პიზა 2:1 დაამარცხა.

გამარჯვების გოლი მატჩის 85-ე წუთზე 40 წლის ლუკა მოდრიჩმა გაიტანა და თავის გუნდს საჩემპიონო ბრძოლაში უმნიშვნელოვანესი 3 ქულა მოუტანა.

ანგარიში 39-ზე ლოფტუს-ჩიკმა გახსნა და ალეგრის გუნდი 71-ე წუთამდე იგებდა, რის შემდეგაც მასპინძლებმა წონასწორობის აღდგენა შეძლეს და საქმეში ოქროს ბურთის გამარჯვებულს მოუწია ჩართვა.

მატჩის მიწურულს 1 წუთსი ორი ყვითელი ბარათი ადრიენ რაბიომ მიიღო და მილანს თამაშის ჩამთავრება 10 კაცით მოუწია.

მილანმა 53 ქულა დააგროვა და ლიდერ ინტერთან 5-ქულიანი ჩამორჩენა აღადგინა, პიზა კი 15 ქულით ბოლო ადგილზე რჩება.

0-1 ლოფტუს ჩიკი 39'

1-1 ლოიოლა 71'

1-2 მოდრიჩი 85'