VIDEO: სადებიუტო მატჩი ლიგაზე ძირითადიდან - მამარდას ლივერპულმა აინტრახტი გაანადგურა

გიორგი მამარდაშვილმა ჩემპიონთა ლიგის მატჩი ძირითად შემადგენლობაში პირველად დაიწყო და სადებიუტო გამარჯვებაც მოიპოვა. მისმა ლივერპულმა ფრანკფურტის აინტრახტს გერმანიაში 5:1 მოუგო.

ქართველ მეკარეს საქმე პრაქტიკულად არ ჰქონია და კარში ზუსტად მხოლოდ ერთხელ, 26-ე წუთზე დაურტყეს, როცა ფრანკფურტელებმა სწრაფი კონტრშეტევა კარგად გაითამაშეს და კრისტენსენმა შორეულ კუთხეში შესანიშნავად დაარტყა.

ამის შემდეგ, არნე სლოტის გუნდმა 5 გოლი გაიტანა - ეკიტიკემ, ვან დეიკმა, კონატემ, ხაკპომ და სობოსლაიმ. 

შედეგად, ლივერმა 6 ქულა მოაგროვა და ცხრილის მე-10 ადგილზე აინაცვლა. მომდევნო ტურში, 4 ნოემბერს, მადრიდის რეალს ენფილდზე უმასპინძლებს.