გიორგი ქოჩორაშვილის სპორტინგი პორტუგალიის ლიგის თასის გათამაშებას 1/2 ფინალური ეტაპიდან გამოეთიშა. ლისაბონელები ვიტორია გიმარაეშთან დრამატული სცენარით დამარცხდნენ.
გუნდი ლუის სუარესმა მე-14 წუთზე დააწინაურა და თითქმის მთელი მატჩი იგებდნენ, თუმცა ყველაფერი მსაჯის მიერ დამატებულ წუთებში გადაწყდა.
ქოჩორაშვილი მოედანზე 91-ე წუთზე შევიდა, როცა ანგარიში ჯერ კიდევ 1:0 იყო, 92-ე წუთზე გიმარაეშელებმა გაათანაბრეს, 101-ე წუთზე კი გამარჯვების გოლი გაიტანეს და ფინალის საგზური მოიპოვეს. ქოჩორამ 99-ე წუთზე ყვითელი ბარათი მიიღო.
საბოლოოდ, ვიტორიამ, 1/4 ფინალში პორტუს დამარცხების შემდეგ, 1/2 ფინალურ ეტაპზე სპორტინგს მოუგო და ფინალში ბენფიკა-ბრაგას შეხვედრაში გამარჯვებულს ელოდება.
ქართველ ნახევარმცველს სათამაშო პრაქტიკა თითქმის არ აქვს და მისი სპორტინგიდან წასვლის შესახებ დეკემბრის ბოლოს იწერებოდა. ბოლო 1 კვირაა ახალი ინფორმაცია არ გავრცელებულა.
