ამერიკის პროფესიულმა საფეხბურთო ლიგამ (MLS) ინტერ მაიამის კაპიტანი, ლიონელ მესი ფილადელფია უნიონის ფეხბურთელთან, ქუინ სალივანთან მომხდარი დაპირისპირების გამო დააჯარიმა.
შეხვედრა ფრედ, 2:2 დასრულდა. კომპენსირებულ დროში (101-ე წუთზე) მესისა და სალივანს შორის შელაპარაკება მოხდა, რა დროსაც არგენტინელმა მეტოქეს თავში ხელი გაარტყა. სიტუაციის განსამუხტად მსაჯის ჩარევა გახდა საჭირო.
მსუბუქი სასჯელი სკანდალის შემდეგ
ბევრი ვარაუდობდა, რომ მესი 1-მატჩიან ან უფრო ხანგრძლივ დისკვალიფიკაციას მიიღებდა, თუმცა სადისციპლინო კომიტეტმა ყველაზე მსუბუქი ზომა გამოიყენა. ესპანური გამოცემა Marca-ს ცნობით, მეტოქის სახის, თავისა ან კისრის არეში ხელის შეხების წესის დარღვევისთვის ლეო მხოლოდ ფინანსურად დაჯარიმდა. თანხის ზუსტი ოდენობა უცნობია. MLS-ის რეგულაციები მსგავს შემთხვევებში ფინანსური ჯარიმის დაკისრებას ითვალისწინებს.
ემოციური გოლი
აღსანიშნავია, რომ ამავე მატჩში მესიმ ინტერ მაიამის მეორე გოლიც გაიტანა, რითაც გუნდი 2:1 დააწინაურა. ეს არგენტინელისთვის მამის, ხორხე მესის გარდაცვალების შემდეგ გატანილი პირველი გოლი იყო, რომელიც მან სწორედ მამას მიუძღვნა.
