VIDEO: სუპერლიგის ფინალური სერია იწყება - შეფასებები საჩემპიონო მატჩების წინ
18 წთ წინ · 0 წთ წასაკითხად
-
Aa
+
ფონტის ზომა
საქართველოს რიგით 33-ე ეროვნული ჩემპიონატის ფინალში თსუ და ბათუმი 2010 შეხვდებიან - ფინალური სერია დღეს იწყება.
სტუდენტებისთვის ეს მეხუთე ფინალია - 2010 და 2011 წელს ვერცხლის მედლები მოიპოვეს, 2023 წელს ჩემპიონობა იზეიმეს, ხოლო 2025 წელს დრამატულ ბრძოლაში დათმეს ტიტული. ამ ფორმაციის ბათუმური კლუბისთვის კი ეს პირველი, ისტორიული ფინალია.
ფინალური სერიის წინ, ოლიმპიურ სასახლეში მეტოქე გუნდების მთავარი მწვრთნელები და თითო-თითო წამყვანი მოთამაშე შეიკრიბა. თსუ-ს მხრიდან ლექსო ლაფანაშვილმა და ალექსანდრე ფევაძემ, ხოლო ბათუმელთაგან ბუბა ბერიშვილმა და გიორგი ოჩხიკიძემ შეფასებები გააკეთეს.
სერია 3 მოგებამდეა და მატჩები 21, 23 და 26 მაისს გაიმართება - თუ საჭირო გახდა, დამატებითი შეხვედრები 28 და 31 მაისს ჩატარდება. მოედნის უპირატესობა თსუ-ს აქვს და თბილისში 21, 23 და, საჭიროების შემთხვევაში, 31 მაისის თამაშებს უმასპინძლებს.
