VIDEO: უხვგოლიანი მატჩი უემბლიზე - მსოფლიო ჩემპიონმა ინგლისი დაამარცხა

ერთა ლიგის პირველ ტურში ინგლისისა და ესპანეთის ნაკრებები დაუპირისპირდნენ ერთმანეთს.

უემბლიზე გაიმართა მატჩი, რომელიც რამდენიმე თვის წინ, შესაძლოა მსოფლიო ჩემპიონატის ფინალში გვეხილა - ინგლისმა მსოფლიო ჩემპიონ ესპანეთს უმასპინძლა და 2:3 დამარცხდა.

მე-2 წუთზე ლამინ იამალმა მარკ გეჰის შეცდომით ისარგებლა და ანგარიში სწრაფად გახსნა, თუმცა ტაიმის ბოლომდე ინგლისმა ორი გოლით უპასუხა და წინ გასვლა შეძლო.

54-ე წუთზე ჰარი კეინს დუბლის შესრულების და ინგლისის ორი ბურთით წინ გაყვანის შანსი მიეცა, თუმცა პენალტი ვერ გამოიყენა.

60-ე წუთზე ალექს ბაენამ ანგარიში გაათანაბრა, 74-ზე კი მიკელ ოიარსაბალს გაატანინა და ესპანეთმა მძიმე და სანახაობრივ ბრძოლაში გამარჯვება მოიპოვა.

0-1 იამალი 2'

1-1 გორდონი 36'

2-1 კეინი 40'

კეინის გამოუყენებელი პენალტი 54'

2-2 ბაენა 60'

2-3 ოიარსაბალი 74'