ესპანეთის ეროვნულ ნაკრებს ძირითად დროში ზედიზედ 39 მატჩია არ წაუგია – 30 გამარჯვება და 9 ფრე.
გუნდმა საკუთარი მსოფლიო რეკორდი გააუმჯობესა.
ლუის დე ლა ფუენტეს კოლექტივმა ერთა ლიგის მატჩში ინგლისი 3:2 დაამარცხა.
ესპანელთა შთამბეჭდავი სერია 2024 წლის მარტიდან გრძელდება. ბოლო მარცხი ამხანაგურ შეხვედრაში კოლუმბიასთან ჰქონდათ (0:1). ასევე იყო მარცხი პორტუგალიასთან 2025 წლის ერთა ლიგის ფინალში, თუმცა პენალტების სერიაში (2:2, 3:5).
რაც შეეხება ოფიციალურ შეხვედრებს, ამხანაგური მატჩების გათვალისწინების გარეშე, ესპანეთის დაუმარცხებელი სერია 40 თამაშს შეადგენს – 33 მოგება და 7 ფრე.
2023 წლის მარტში ესპანელები ევროპის ჩემპიონატის საკვალიფიკაციო ეტაპზე შოტლანდიასთან დამარცხდნენ (0:2).
