VIDEO: ზედიზედ მე-4 ფრე — ლივერპულმა ჩემპიონატის აუთსაიდერს ვერ მოუგო

პრემიერ ლიგის 22-ე ტურში ლივერპულმა საკუთარ მოედანზე გასავარდნ ზონაში მყოფი ბარნლი ვერ დაამარცხა.

შეხვედრა ენფილდზე გაიმართა და ფრედ 1:1 დასრულდა.

32-ე წუთზე დაწინაურების შანსი დომინიკ სობოსლაიმ გაუშვა ხელიდან, როცა პენალტი ვერ გამოიყენა. თუმცა, 10 წუთში ლივერპული მაინც დაწინაურდა — გოლის გატანა ფლორიან ვირცმა მოახერხა.

თუმცა, სლოტის გუნდმა გამარჯვებამდე საქმის მიყვანა ვერ მოახერხა — ბარნლიმ თავისი პრაქტიკულად ერთადერთი შანსი გამოიყენა და 65-ე წუთზე წონასწორობის აღდგენა მოახერხა.

როგორც აღმოჩნდა, ეს მატჩის უკანასკნელი გოლი აღმოჩნდა და ლივერპულმა ჩემპიონატში ზედიზედ მე-4 ფრე ითამაშა. 

სლოტის გუნდმა 36 ქულა დააგროვა და მე-4 ადგილზე გადაინაცვლა — მეხუთეადგილოსან მანჩესტერს ერთი ქულით ნაკლები აქვს.

სობოსლაის პენალტი 33'

1-0 ვირცი 42'

1-1 ედვარდსი 65'