VIDEO: ბარსელონაში ჩასვლამდე ნიუკასლმა სტემფორდ ბრიჯზე მოიგო

პრემიერ ლიგის 30-ე ტურში ჩელსი საკუთარ მოედანზე ნიუკასლთან 0:1 დამარცხდა.

სტემფორდ ბრიჯზე გამართული მატჩის ბედი ენტონი გორდონის ერთადერთმა გოლმა გადაწყვიტა, რომელიც ინგლისელმა მე-18 წუთზე შეაგდო.

ჩელსი სათამაშო უპირატესობას ფლობდა და რამდენჯერმე გოლთანაც იყო ახლოს, თუმცა ედი ჰაუს გუნდმა ანგარიშის შენარჩუნება შეძლო და ბარსელონაში ჩემპიონთა ლიგის საპასუხო 1/8 ფინალის სათამაშოდ კარგი განწყობით ჩავა.

ჩელსის ანგარიშზე 48 ქულა დარჩა და გუნდი მე-5 ადგილს იკავებს, ნიუკასლმა კი 42 ქულა დააგროვა და მე-9 ადგილზე გადაინაცვლა.

0-1 გორდონი 18'