VIDEO: ზედიზედ მეოთხე სამმაგი - იოკიჩმა რეკორდი გაიმეორა

NBA-ის რეგულარული სეზონის მატჩში დენვერ ნაგეტსი ნიუ ორლეანს პელიკანსს დაუპირისპირდა და 34-ქულიანი სხვაობით, 122-88 დაამარცხა.

გამარჯვებულ გუნდს ტრადიციულად ნიკოლა იოკიჩმა ულიდერა, რომელმაც მორიგი სამმაგი დუბლი მიითვალა - 21 ქულა, 12 მოხსნა და 10 შედეგიანი გადაცემა სულ რაღაც 28 წუთში.

სერბმა სეზონი ზედიზედ 4 სამმაგი დუბლით დაიწყო:

21 ქულა, 13 მოხსნა, 10 შედეგიანი გადაცემა

14 ქულა, 14 მოხსნა, 15 შედეგიანი გადაცემა

25 ქულა, 19 მოხსნა, 10 შედეგიანი გადაცემა

21 ქულა, 12 მოხსნა, 10 შედეგიანი გადაცემა

ნიკოლა იოკიჩმა ამ შედეგით NBA-ის რეკორდი გაიმეორა, რომელიც აქამდე ოსკარ რობერტსონსა და რასელ უესტბრუკს ეკუთვნოდათ, სეზონის ზედიზედ 4 სამმაგი დუბლით დაწყებით.