VIDEO: ჟალგირისმა დინამოსთან მატჩამდე კონკურენტი დამაჯერებლად დაამარცხა
16 სთ წინ · 0 წთ წასაკითხად
-
Aa
+
ფონტის ზომა
დინამო თბილისთან მატჩამდე, ჟალგირის ვილნიუსმა ლიეტუვის ჩემპიონატის 23-ე ტურის შეხვედრა გამართა - ერთ-ერთი კონკურენტი ტრანსინვესტი შინ 3:1 დაამარცხა.
ვილნიუსელებმა პირველი ტაიმი 2:0 მოიგეს, რასაც მეორე ნახევრის დასაწყისში მესამე გოლიც მიამატეს და გამარჯვებულის ბედიც გადაწყდა.
შესანიშნავ ფორმაში მყოფმა, ნიკოლა პეტკოვიჩმა დუბლი შეასრულა, ერთიც დინამო თბილისის ყოფილმა ფეხბურთელმა, სტანისლავ ბილენკიმ (2022-ის სეზონში თამაშობდა და 29 მატჩში 10 გოლი და 6 ასისტი ჰქონდა) შეაგდო. პეტკოვიჩს ბოლო 4 თამაშში 6 გოლი აქვს გატანილი, ხოლო ბოლო 9 მატჩში 10 საგოლე მოქმედება მოაგროვა - 9 გოლი, 1 ასისტი.
ბოლო 20 წუთი გაატარა მოედანზე ვილნიუსელთა ქართველმა ლეგიონერმა, საბა მამაცაშვილმა - ძირითადში ბოლოს 12 ივნისს ითამაშა.
23 ტურის შემდეგ, ჟალგირისმა 31 ქულას მოუყარა თავი, მე-3 ადგილზე აინაცვლა და ლიდერ კაუნო ჟალგირისს, რომლის რიგებშიც ანტონ თოლორდავა თამაშობს, 3 ქულით ჩამორჩება.
კონფერენს ლიგის მე-2 საკვალიფიკაციო ეტაპის ეგიდით, დინამო თბილისი და ჟალგირის ვილნიუსი 23 ივლისს, მიხეილ მესხის სახელობის სტადიონზე ითამაშებენ. თამაში 21:00 საათიდან დაიწყება, ბილეთების ფასი 10 ლარიდან იწყება და აქ იყიდება.
